இயக்குனர் சுசி கணேசன் உதவியாளர் ராஜசேகர் இயக்கி இருக்கும் படம், ‘ஒயிட் ரோஸ்’. இதில் ‘கயல்’ ஆனந்தி ஹீரோயினாக நடிக்க, சுரேஷ் வில்லனாக நடிக்கிறார். இளையராஜா ஒளிப்பதிவு செய்துள்ளார். ஜோஹன் ஷெவினேஷ் இசை அமைக்கிறார். வைரமுத்து பாடல்கள் எழுதுகிறார். ரஞ்சனி தயாரித்துள்ளார்.
படம் குறித்து ராஜ சேகர் கூறும்போது
ஒவ்வொரு மனிதனுக்கு உள்ளேயும் ஒரு மிருகம் மறைந்திருக்கும். அது நம்மைச் சுற்றியுள்ள மிருகங்களை விட மிகவும் ஆபத்தானது. நடுத்தர குடும்பத்தைச் சேர்ந்த சாதாரண பெண், இதுபோன்ற மிருகத்திடம் சிக்கி என்னென்ன எதிர்கொள்கிறார்? அவரால் மீண்டு வர முடிகிறதா என்று, பல்வேறு திருப்பங்களுடன் கூடிய படமாக இது உருவாகிறது. ‘கயல்’ ஆனந்தி நிறைய படங்களில் தனது அழகான நடிப்பால் ரசிகர் களைக்கவர்ந்துள்ளார். ஆனால், இப்படம் அவரது திரைப்பயணத்தில் மறக்க முடியாத படமாக இருக்கும் என்பது உறுதி’ என்றார்.
