புரூக், ஸ்மித் அரைசதம்: இங்கிலாந்து மீண்டது

மான்செஸ்டர்: இலங்கைக்கு எதிரான முதல் டெஸ்டில் இங்கிலாந்தின் புரூக், ஜேமி ஸ்மித் அரைசதம் விளாசினர்.

இங்கிலாந்து மற்றும் இலங்கை அணிகளுக்கு இடையிலான முதல் டெஸ்ட் போட்டி மான்செஸ்டரில் நடைபெற்று வருகிறது. இலங்கை முதல் இன்னிங்சில் 236 ரன்கள் எடுத்தது. முதல் நாள் முடிவில் இங்கிலாந்து முதல் இன்னிங்சில் 22/0 ரன் எடுத்திருந்தது. டக்கெட் (13), லாரன்ஸ் (9) அவுட்டாகாமல் இருந்தனர்.

இரண்டாம் நாள் ஆட்டம் மழையால் தாமதமாக தொடங்கியது. அஷிதா பெர்னாண்டோவின் வேகத்தில் பென் டக்கெட் (18), கேப்டன் போப் (6) அவுட்டாகினர். டான் லாரன்ஸ் (30), ஜோ ரூட் (42) சற்று உதவினார்கள். பொறுப்பாக ஆடிய ஹாரி புரூக் (59), ஜேமி ஸ்மித் ஆகியோர் அரைசதம் கடந்தனர்.

ஆட்ட நேர முடிவில் இங்கிலாந்து அணி முதல் இன்னிங்சில் 6 விக்கெட்டுக்கு 259 ரன்கள் எடுத்திருந்தது. ஜேமி ஸ்மித் (72), அட்கின்சன் (4) அவுட்டாகாமல் இருந்தனர். இலங்கை தரப்பில் அஷிதா 3 விக்கெட்டுகளை வீழ்த்தினார்.