பசெட்டெர்ரே: ஒரு ஆண்டில் அதிக சிக்சர் அடித்த வீரர் என சாதனை படைத்தார் நிகோலஸ் பூரன்.
வெஸ்ட் இண்டீசில் கரீபியன் பிரிமியர் லீக் ‘டி-20’ தொடர் நடக்கிறது. லீக் போட்டியில் டிரின்பாகோ நைட் ரைடர்ஸ், செயின்ட் கிட்ஸ் அணிகள் மோதின.
முதலில் விளையாடிய டிரின்பாகோவுக்கு நிக்கோலஸ் (வெஸ்ட் இண்டீஸ்) பூரன் கைகொடுத்தார். அவர் 43 பந்துகளில் 9 சிக்ஸர்கள், 7 பவுண்டரிகள் உட்பட 97 ரன்கள் எடுத்தார். டிரின்பாகோ 20 ஓவரில் 4 விக்கெட்டுக்கு 250 ரன்கள் எடுத்தது. கார்டி (73), கேப்டன் பொல்லார்ட் (7) அவுட்டாகாமல் இருந்தனர்.
செயின்ட் கிட்ஸ் அணிக்கு லீவிஸ் (39), லுாயிஸ் (56), ஸ்டப்ஸ் (39), ரியான் (25) ஓரளவு கைகொடுத்தனர். மற்றவர் ஏமாற்ற, 20 ஓவரில் 206/8 ரன் மட்டும் எடுத்தது. டிரின்பாகோ அணி 44 ரன் வித்தியாசத்தில் வென்றது.
நேற்று 9 சிக்ஸர்களை அடித்த பூரன், ஓராண்டில் (2024) அதிக சிக்ஸர் அடித்த வீரர் என்ற சாதனையை படைத்தார். 57 இன்னிங்ஸ்களில் 139 சிக்ஸர்கள் (1145 பந்துகள்) அடித்தார். இவர் வெஸ்ட் இண்டீஸ் வீரர் கெய்லின் (2015ல் 36 இன்னிங்சில் 135 சிக்சர், 1012 பந்து) சாதனையை முறியடித்தார். * சர்வதேச மற்றும் உள்நாட்டில் ஒட்டுமொத்த ‘டி20’ அரங்கில் இதுவரை 551 சிக்சர்கள் (355 போட்டிகள்) அடித்து 4வது இடத்தில் உள்ளார் பூரன். வெஸ்ட் இண்டீஸின் கெய்ல் (463க்கு 1056), பொல்லார்ட் (677க்கு 877), ரசல் (518க்கு 714) ஆகியோர் முதல் மூன்று இடங்களில் உள்ளனர்.